من هواياتي التسوق في المراكز التجارية وهي ماتعرف بالسوبر ماركت
وعدسة تصوير حاضرة بالجوال لرصد أي من المواقف العديدة التي تصادفني والتي توضح تلاعب المسئولين عن هذه المراكز التجارية
والأخطأ الاملائية (( مسكيييييين يالي ما عنده اخطأ أملائية )) التي لا حصر لها
وكانت عدستي حاضرة لرصد هذه المواقف والتي منها :
(( عبوه خيرية غير مخصصة للبيع ))
"شاهي الربيع"
تباع عيني عينك ؟!
والسعر 24.50ريال بعد
كما هي واضحة معاكم بالصورة
==============
وأخر يضع تخفيض على بطاريات ((احجار بالبلدي ))
السعر قبل الخصم 11.95 ريال
السعر بعد الخصم 11.95 ريال
؟ ؟ ؟ ؟ ؟
أين التخفيض ؟ ابي اعرف !
الصورة تحكي التخفيض
==============
خطأ أملائي
(( حصم على ))
أول ما شفت اللوحة جلست دقيقة متنح واتمعن في اللوحة
أحس فيه حاجه غلط وأكتشفت أخيراً ( مبروك )
أن الي كتب اللوحة نسى يحط نقطة الخاء ( خصم )
===========
وفيه حركة وسخة من اصحاب المراكز مرت علي كثير جداً ( انتبهوا )
وهي يحطون تخفيض على سلعة معينة ويحطون عليها السعر بعد التخفيض
ولما تروح تحاسب يقلون لك اسفين هذا السعر حطيناة بالغلط
تلعبون على مين ابي افهم ( الى هذه الدرجة شايفينا مغفلين )
مثل : تحصل جاكيت مكتوب علية 40 ريال ( راح تفرح بالسعر )
ولما توصل الكاشير وتحاسب يقولك سعر الجاكيت 50ريال
طيب ؟؟
هم مسوينها ذكاء واحنا المغفلين
البعض يستحي يرجعها والبعض الاخر ما يدقق في السعر عند الكاشير
أو يقول وقفت على عشرة ريال هاته بس
===============
نطلع خارج المجمعات التجارية
وانا ماشي مرة في احد شوارع احد المدن خارج مدينة الرياض
شفت لي محل غريب كثير
محل مخصص لبيع جميع أنواع الدخان ( السجائر ) وأناظر أسم اللوحة
الا مكتوب عليها مركز الادخنة العاليمة
؟ في المملكة ؟ غريب جداً ؟
ربما تقولون ممكن
طيب الي أثار ضحكي جداً وماراح تتوقعونة
أن نفس المحل يبيع عطورات شرقية ؟
أيه عطورات ! يعني تصدقون الأولى ولا تصدقون الثانية ؟
تنطبق عليه المقولة التي تقول
هي خاربة خاربة خلينا نعميها
=============================
واختم مشاركتي بهذه المشاركة
بعض محلات بيع السيارات المستعملة تبيع سيارات مستعملة مستوردة من الخارج
خوينا في الصورة صاحب مستوصف طبي أهلي
شاريلة سيارة أسعاف للمستوصف
" شرط تلزمة عليهم وزارة الصحة عشان التصريح"
مع اني متأكد أن السيارة من يوم شراها ما شغلها ابد
زي الكثير من المستوصفات الاهلية الي سياراتهم مغبرة له سنه ما حركها والي مبنشرة كفراتها
نعود لخوينا كما هو موضح بالصورة لا تزال ( 911 ) مكتوبة على السيارة
وملاحظة على الطاير لا توجد لوحات مرور على سيارة الأسعاف ؟؟
أملين منكم أن لا تحرمونا من تعليقاتكم
والشكر موصول لقروب أبونواف
نرجسيه